Velkominn á fætur

Lengi svafstu Björgvin.  Velkominn á fætur.  Með því að vera fyrstur hefur þú líklega tryggt þér framhaldslíf í stjórnmálum hins nýja Íslands.

Björgvin segir af sér

Barnagæsla

Við þurfum nýja stjórnarskrá. Vandi okkar er samofinn kerfinu eins og þyrluflugmannsráðningin er enn að sýna okkur.  Þegar kerfi eru orðin gegnsýrð ráða þau ekki við að leiðrétta sig.  Það eina sem dugar er reset.  Nýtt lýðveldi.

Brostnar væntingar í Landhelgisgæslunni

Grímur eða ekki grímur.

Ég er á móti leynd.
Ég er á móti bankaleynd þegar hún er skjól fyrir óeðlilega viðskiptahætti, arðrán og misskiptingu.
Ég er á móti því að fólk hylji andlit sín með grímum til að fremja ofbeldisverk.
En...........
Ég get ekki gagnrýnt ungt fólk fyrir það að mótmæla með grímum í því þjóðfélagi sem við búum í.

Ég vil heldur ungt fólk með grímur heldur en:

Grímulausa valdníðslu.
Grímulaust andvaraleysi varðandi fjárhagsöryggi þjóðarinnar.
Grímulaust getuleysi stjórnvalda og hugmyndaskort.
Grímulausa einkavinavæðingu.
Grímulaust einelti og þöggun gagnvart fólki sem segir hvað valhafarnir hafast að.

Við skulum átta okkur á því hverjir virkilega vilja framtíð landsins vel. Eru það þeir sem bera grímur úr taui eða þeir sem eru með grímu upplýsingaleyndar, fegrunar á ástandinu og sýndaraðgerða til að fólk hugsi ekki um aðal verkefnið sem er að endurreisa Alþingi.

Ég mun þakka hverjum þeim sem leggur sitt að mörkum til að breyta grundvelli samfélagsins, án ofbeldis – gríma eða ekki gríma.

Öldungaráð

Ég legg til að við skorum á nokkra af okkar lífsreyndu hugsuðum að koma saman og mynda öldungaráð til leiðsagnar fyrir þjóðina.

Ráðið verður að vera skipað mönnum sem eru hafnir yfir allan vafa hvað varðar eigin hagsmuni.

Ráðið mun ekki hafa neitt vald annað en áhrifavald. Það mun aðeins starfa í umboð framtíðar þjóðarinnar og allra hennar barna.

Við þurfum einhvern til að leggja fram góðar tillögur sem almenningur getur stutt og þar með lagt línurnar fyrir stjórnmálamenn því þeir munu ekki geta staðið gegn því sem fólkið vill ef hugmyndir eru settar saman í möguleg kerfi og framkvæmanlegar stefnum sem hafa stuðning fólksins. Nú sem stendur er allt fullt af góðum hugmyndum á lofti. Þær eru sundraðar og þó þær séu góðar þá er ekki þar með sagt að við treystum öllum flutningsmönnum. Það er eins með hugmyndir og menn að sameinaðar standa þær en sundraðar falla þær.

Öll sú gerjun sem fram fer er tvístruð og þarfnast viturra manna til að greina í sundur og setja saman í heildir sem hægt er að ræða.

Lýðræði hefur falist í því að velja menn eða réttara sagt flokka. Hvað með það að setja fram hugmyndir og kjósa um þær? Má það ekki einu gilda hver samþykkir lög ef það eru góð lög?

Öldungaráðið á ekki að framkvæma neitt aðeins setja hugmyndir fram.

Ég skora á Njörð P. Njarðvík til hafa forystu um að velja með sér menn í slíkt ráð.

Látið mennina svara

Þetta voru algerlega ónýtt viðtöl. Ég frábið mér að fréttamenn túlki tilfinningar mínar. Ég heimta að þeir spyrji þannig að raunveruleg svör fáist.  Ég heimta það að menn fái að svara svo hægt sé að dæma menn af svörunum. Og ég heimta að stjórnmálamenn tali mál sem ég skil því það hefur verið sláandi hve fræðimenn og ýmsir álitsgjafar hafa verið skýrari í málflutningi sínum en stjórnmálamennirnir í umræðunni.

RÚV sagt kynda undir sleggjudómum og ofstæki

Einfaldar útskýringar á stjórnmálum og fleiru

Þetta kom til mín í tölvupósti og ég veit ekki eftir hvern þetta er. Set þetta hér til gamans því okkur er jú sagt að við megum ekki láta ástandið draga okkur niður.

SÓSÍALISMI
Þú átt 2 kýr.
Þú gefur nágranna þínum aðra þeirra.

KOMMÚNISMI
Þú átt 2 kýr.
Ríkið tekur þær báðar og gefur þér mjólk.

FASISMI
Þú átt 2 kýr.
Ríkið tekur þær báðar og selur þér mjólk.

NASISMI
Þú átt 2 kýr.
Ríkið tekur þær báðar...og skýtur þig svo.

SKRIFRÆÐI
Þú átt 2 kýr.
Ríkið tekur þær báðar, skýtur aðra þeirra, mjólkar hina og hellir svo allri mjólkinni.

HEFÐBUNDINN KAPITALISMI
Þú átt 2 kýr.
Þú selur aðra þeirra og kaupir naut. Þú stofnar kúabú og hagnast vel. Þú hagnast vel, selur kúabúið og sest í helgan stein

SÚRREALISMI
Þú átt 2 gíraffa.
Ríkið krefst þess að þú farir í harmonikkunám.

BANDARÍSKA FYRIRTÆKI
Þú átt 2 kýr.
Þú selur aðra þeirra og þvingar hina til að gefa af sér mjólk á við fjórar kýr. Þú ræður svo sérfræðing til að komast að því hvers vegna hún datt niður dauð.

ÁHÆTTUFJÁRFESTINGAR
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

ÞÝSKT FYRIRTÆKI
Þú átt 2 kýr.
Þú endurhannar þær þannig að þær lifa í 100 ár, éta einu sinni í mánuði og mjólka sig sjálfar.

KÍNVERSKT FYRIRTÆKI
Þú átt 2 kýr.
Þú ræður 300 manns til að mjólka þær. Þú segir atvinnuleysi í lágmarki og blómstrandi landbúnað. Þú handtekur fréttmanninn sem sagði frá stöðunni eins og hún er í raun og veru.

INDVERSKT FYRIRTÆKI
Þú átt tvær kýr.
Þú tilbiður þær.

BRESKT FYRIRTÆKI
Þú átt tvær kýr.
Báðar eru með gin-og klaufaveiki

NÝ-SJÁLENSKT FYRIRTÆKI
Þú átt tvær kýr.
Sú til vinstri er asskoti löguleg.

ÍRASKT FYRIRTÆKI
Allir virðast eiga fjölda kúa.
Þú segir öllum að þú eigir enga.
Enginn trúir þér svo þeir sprengja þig í tætlur og ráðast inn í landið.
Þú átt enn engar kýr, en þú býrð þó amk í lýðræðisríki núna...

Byrjaður að blogga

Mig langar að byrja bloggið á vísu eftir Sigurð Norðdal.
Vinur minn sendi mér þessa vísu fyrir tveimur árum þegar mér fannst lífið ekki fara með mig þær leiðir sem ég vildi. Við Íslendingar erum nú á einhvers konar einstigi sem fáa ef nokkra dreymdi um.

Yfir flúðir auðnu og meins

elfur lífsins streymir

Sjaldan verður ósinn eins

og uppsprettuna dreymir